మెడిసిన్స్ అసలైనవో,కాదో తెలుసుకోవచ్చు ఎలా

మెడిసిన్స్ అసలైనవో,కాదో తెలుసుకోవచ్చు ఇలా.. టాప్ 300 మందులపై క్యూఆర్ కోడ్.!

మీరు తీసుకున్న మందు నకిలీది అని మీకు ఎప్పుడైనా అనిపించిందా?ఇప్పుడు మీరు అలాంటి భయం నుండి విముక్తి పొందనున్నారు.ఎందుకంటే ఈ రోజు నుండి అమల్లోకి వచ్చిన 300 మందులపై క్యూఆర్ కోడ్ (QR Code On Medicines) వేయాలని కేంద్ర ప్రభుత్వం ఆదేశించింది.

ఇది కూడా చదవండి..https://studiobharat.com/Annual-and-Navratri-Brahmotsavams-at-the-same-time.. దయచేసి సబ్ స్రైబ్ చేసుకోండి.

భారత డ్రగ్స్ కంట్రోల్ జనరల్ ఆఫ్ ఇండియా (డీసీజీఐ) ఫార్మా కంపెనీలకు కఠిన ఆదేశాలు జారీ చేసింది.దీని ప్రకారం..దేశంలోని టాప్ 300 డ్రగ్ బ్రాండ్‌లు తమ మందులపై క్యూఆర్ కోడ్ లేదా బార్ కోడ్‌ను ఉంచడం తప్పనిసరి అయింది.వీటిని స్కాన్ చేయడం ద్వారా మీరు మీ మందు గురించి చాలా తెలుసుకోవచ్చు.

ఏ మందులు చేర్చబడ్డాయి

ఈ టాప్ 300 ఔషధాల బ్రాండ్ పేర్లలో అల్లెగ్రా,షెల్కాల్,కాల్పోల్,డోలో,మెఫ్టాల్ ఉన్నాయి.భారత డ్రగ్స్ కంట్రోల్ జనరల్ ఆఫ్ ఇండియా (DCGI) ఈ బార్ కోడ్‌లు లేదా క్యూఆర్ కోడ్‌లను వర్తింపజేయడంలో విఫలమైతే డ్రగ్ కంపెనీలు భారీ జరిమానాలకు సిద్ధంగా ఉండాలని డ్రగ్ కంపెనీలకు స్పష్టంగా తెలియజేసింది.ఎందుకంటే క్యూఆర్ కోడ్‌ లేనట్లయితే, అవి పెనాల్టీకి గురవుతాయి.

QR కోడ్ ద్వారా ఏమి తెలుసుకోవాలి?

ప్రత్యేకమైన ఉత్పత్తి గుర్తింపు కోడ్ ద్వారా ఔషధం సరైన,సాధారణ పేరు,బ్రాండ్ పేరు,తయారీదారు పేరు,చిరునామా,బ్యాచ్ నంబర్,తయారీ తేదీ,ఔషధం గడువు తేదీ,తయారీదారు లైసెన్స్ నంబర్ అన్నీ తెలుసుకోవచ్చు.

ప్రభుత్వం ఈ నిర్ణయం ఎందుకు తీసుకోవలసి వచ్చింది?

దేశంలో పెరుగుతున్న నకిలీ మందుల వ్యాపారాన్ని అరికట్టేందుకు కేంద్ర ప్రభుత్వం ఈ చర్య తీసుకుంది.వాస్తవానికి నవంబర్ 2022లో కేంద్ర ప్రభుత్వం ఇటువంటి చర్య తీసుకోవడం గురించి సమాచారం ఇచ్చింది.ఇందులో భాగంగా కొంత కాలం క్రితం దీని నోటిఫికేషన్ విడుదల చేయగా ఈ రోజు ఆగస్టు 1నుంచి అమలులోకి వచ్చింది.దీన్ని అమలు చేయడానికి ప్రభుత్వం డ్రగ్స్ అండ్ కాస్మెటిక్స్ చట్టం 1940ని సవరించింది.దీని ద్వారా ఫార్మాస్యూటికల్ కంపెనీలు తమ బ్రాండ్‌లపై H2/QR ఉంచడాన్ని తప్పనిసరి చేసింది.