అమెరికా లో రోడ్డు ప్రమాదం

అమెరికాలో రోడ్డు ప్రమాదం..ఐదుగురు అమలాపురం వాసుల మృతి..!

టెక్సాస్‌:

అమెరికాలో ఘోర రోడ్డు ప్రమాదం చోటుచేసుకుంది.టెక్సాస్‌ హైవేలో జరిగిన ప్రమాదంలో ఆంధ్రప్రదేశ్‌ కు చెందిన ఐదుగురు మృతిచెందినట్లు తెలుస్తోంది..

అమెరికా కాలమానం ప్రకారం మంగళవారం సాయంత్రం ఈ ఘటన చోటుచేసుకుంది..

జాన్సన్‌ కౌంటీలో ఉన్న 67వ నంబరు హైవేపై మినీవ్యాన్‌ ను ఓ ట్రక్కు ఢీకొట్టింది.ఈ ఘటనలో ఆరుగురు అక్కడికక్కడే మృతిచెందగా..మరో ముగ్గురు తీవ్రంగా గాయపడ్డారు.మృతుల్లో ఐదుగురు ఆంధ్రప్రదేశ్‌కు చెందిన అమలాపురం వాసులుగా తెలుస్తోంది. క్షతగాత్రులను సమీపంలోని ఆసుపత్రికి తరలించారు.గాయపడిన వారి పరిస్థితి ఎలా ఉందన్నది ఇంకా తెలియరాలేదు..

ఈ ప్రమాదం పై తానా సభ్యులు ఈనాడు.నెట్‌తో మాట్లాడుతూ..బాధిత కుటుంబానికి అవసరమైన సాయం అందిస్తామని తెలిపారు.అధ్యక్షుడు శృంగవరపు నిరంజన్‌ సూచన మేరకు తానా ట్రెజరర్‌ అశోక్‌ కొల్లా,ఫౌండేషన్‌ ట్రెజరర్‌ పోలవరపు శ్రీకాంత్‌.. ఆసుపత్రికి వెళ్లి క్షతగాత్రులను పరామర్శించారు.